رجنی کانت کو 100 کروڑ روپے کا چیک اور بی ایم ڈبلیو گاڑی کا تحفہ

سپر اسٹار رجنی کانت کی نئی فلم ‘جیلر’ کی کامیابی پر انہیں 100 کروڑ روپے کا چیک اور بی ایم ڈبلیو گاڑی کا تحفہ دیا گیا۔ رجنی کانت سب سے زیادہ معاوضہ لینے والے بھارتی اداکار بن گئے۔

بھارت کے سپر اسٹار رجنی کانت کی نئی فلم ‘جیلر’ عالمی سطح پر کامیابیاں سمیٹ رہی ہے۔

پروڈکشن ہاؤس کے مالک کالانیدھی مرن نے رجنی کانت کو فلم کی کامیابی پر بطور تحفہ بی ایم ڈبلیو کی بیش قیمت گاڑی تحفے میں پیش کی۔

While handing over the ₹100 cr cheque & bmw x7 car, Kalanithi Maran has requested superstar #Rajinikanth to do one more film with them after completing Lokesh Kanagaraj's project[#Thalaivar171]. pic.twitter.com/JsqRX1IAK0

— Manobala Vijayabalan (@ManobalaV) September 1, 2023

بھارتی میڈیا رپورٹ کے مطابق رجنی کانت کو بی ایم ڈبلیو کے دو بیش قیمت ماڈلز میں سے ایک کے انتخاب کیلئے کہا گیا تھا۔

ایک گاڑی کی مالیت 1 کروڑ 24 لاکھ اور دوسری کی ایک کروڑ 95 لاکھ تھی، رجنی کانت نے کم مالیت والی بی ایم ڈبلیو گاڑی پسند کی۔

کالانیدھی مرن نے رجنی کانت سے درخواست کی ہے کہ وہ ان کے پروڈکشن ہاؤس کے ساتھ ایک فلم اور کریں۔

رجنی کانت کی فلم ‘جیلر’ نے 600 کروڑ روپے کا بزنس کیا ہے، اس کامیابی پر سپر اسٹار کو 100 کروڑ روپے کا چیک اور بی ایم ڈبلیو کی لگژری گاڑی بطور تحفہ پیش کی گئی۔