ایشیا کپ کی افتتاحی تقریب میں آئمہ بیگ اور نیپالی گلوکارہ تریشالا گرونگ پرفارم کریں گی

پاکستان میوزِک انڈسٹری کی معروف گلوکارہ آئمہ بیگ اور نیپالی گلوکارہ تریشالا گرونگ آج ملتان کرکٹ اسٹیڈیم میں ہونے والی ایشیا کپ کی افتتاحی تقریب میں پرفارم کریں گی۔

اولیاء کی سرزمین کہلایا جانے والا شہر ملتان آج ایشیا کپ 2023ء کے پہلے میچ کی میزبانی کے لیے پوری طرح تیار ہے۔

پاکستان کرکٹ بورڈ (پی سی بی) نے سوشل میڈیا ویب سائٹ ایکس پر اپنے ایک بیان میں اعلان کیا ہے کہ ’آج شائقین براہ راست آتش بازی کے خوبصورت نظارے، آئمہ بیگ اور نیپالی گلوکارہ تریشالا گرونگ کی پرفارمنس اور پاکستان اور نیپال کے درمیان افتتاحی میچ سے لطف اندوز ہوں گے‘۔

Witness the Super 11 Asia Cup 2023 curtain-raiser live on 30 August at the Multan Cricket Stadium 🏟️

Enjoy live fireworks and performances by Aima Baig and Nepal's Trishala Gurung, followed by the opening match between Pakistan and Nepal 🎆✨#AsiaCup2023 pic.twitter.com/NtWbLfoSu1

— Pakistan Cricket (@TheRealPCB) August 29, 2023

آئمہ بیگ تو اس سے پہلے بھی پاکستان سپر لیگ (پی ایس ایل) کے ترانوں میں اپنی آواز کا جادو جگا چکی ہیں لیکن نیپالی گلوکارہ تریشلا گرونگ پاکستانی شائقین کے لیے بالکل ایک نئی آواز ہیں۔

View this post on Instagram

A post shared by Dr. Trishala 🍃 (@trishalaofficial)

اس ملٹی نیشنل ٹورنامنٹ کا حالیہ ایڈیشن 30 اگست سے 17 ستمبر کے درمیان پاکستان اور سری لنکا میں منعقد ہو رہا ہے۔

واضح رہے کہ ایشیا کپ کے تمام میچز پاکستان میں نہیں کھیلے جائیں گے کیونکہ بورڈ آف کنٹرول فار کرکٹ ان انڈیا (بی سی سی آئی) نے سیکیورٹی خدشات کے باعث اپنی ٹیم کو پاکستان بھیجنے سے انکار کردیا تھا۔

اس ایونٹ کے 4 میچز پاکستان میں جبکہ فائنل میچ سمیت 9 میچز سری لنکا میں کھیلے جائیں گے۔