سادہ شادی پر فنکشنز 11‘، ماہرہ خان کی شادی پر تبصرہ

0 تبصرے 191 مناظر

حال ہی میں رشتۂ ازدواج میں منسلک ہونے والی پاکستان شوبز انڈسٹری کی سُپر اسٹار ماہرہ خان کی سوشل میڈیا پر ایک کے بعد ایک شادی کی مختلف تقریبات کی تصاویر آنے پر ایک صارف نے دلچسپ تبصرہ کیا ہے۔

فوٹو اینڈ ویڈیو شیئرنگ پلیٹ فارم پر اداکارہ نے شادی سے قبل منعقد ہونے والی تقریبات کی چند نئی تصاویر شیئر کی ہیں جن میں ’مہندی لگائی‘ کی تقریب بھی شامل ہے۔

ماہرہ خان کی جانب سے انسٹا اکاؤنٹ پر پوسٹ کی گئی حالیہ تصویر میں انہیں پیلے رنگ کے جوڑے میں دیکھا جا سکتا ہے جبکہ ان کے ہاتھوں پر مہندی بھی لگی ہوئی ہے۔

مذکورہ پوسٹ کے کیپشن میں انہوں نے بتایا ہے کہ یہ تصاویر 30 ستمبر کو منعقد کی گئی تقریب کی ہیں، جس میں انہیں مہندی لگائی گئی جبکہ ان کی ساڑھی ان کی دوست اور معروف ڈیزائنر خدیجہ شاہ نے تیار کی ہے۔

خیال رہے کہ یکم اکتوبر کی شب اداکارہ کی منیجر کی جانب سے شادی کی مختلف تصاویر و ویڈیوز شیئر کی گئیں، یہ سلسلہ وقتاً فوقتاً تاحال جاری ہے۔

ماہرہ خان کی جانب سے شیئر کی گئی شادی کی خوبصورت تصاویر دیکھ کر ابتداً یوں لگ رہا تھا کہ انہوں نے اپنے قریبی عزیز و اقارب اور دوست احباب کی موجودگی میں سادی سی شادی کی تقریب کا انعقاد کیا ہے، جس پر ان کی سوشل میڈیا پر خوب تعریف بھی کی گئی۔

تاہم مسلسل نت نئے فنکشنز کی تصاویر اور ویڈیوز سامنے آنے کے بعد سوشل میڈیا صارفین کو دلچسپ تبصرے پیش کرنے کا موقع مل گیا، جو سوشل میڈیا صارفین پہلے اداکارہ کی سادی شادی پر ان کی تعریفیں کر رہے تھے اب اس کے نہ ختم ہونے والے سلسلے پر کہہ رہے ہیں کہ ’کہنے کو یہ سادہ شادی ہے اور فنکشنز 11 ہیں‘۔

دوسری جانب کچھ صارفین اداکارہ کے جوڑوں کی قیمت جان کر حیران ہیں کہ سادی سی شادی میں مہنگے ترین جوڑے زیبِ تن کیے گئے۔

بعض کا کہنا ہے کہ ماہرہ خان کی شادی تو ایمن اور منیب کی شادی سے بھی لمبی چل رہی ہے۔

خیال رہے کہ اداکارہ کی شادی کا سلسلہ 16 ستمبر کو دعائے خیر کی مختصر سی تقریب کے ساتھ شروع ہوا جو یکم اکتوبر کو رخصتی تک چلا تاہم ابھی دعوتِ ولیمہ کی تفصیلات آنا باقی ہیں۔

مزید پڑھیں

خیبرپختونخوا پولیس کاعید کیلئے آبائی علاقوں میں جانے والوں کیلئے پیغام
دہشت گردوں کی پولیس گاڑی پر فائرنگ، ڈی ایس پی اور ایک اہلکار شہید
گورنر سندھ کامران ٹیسوری کی مفتی تقی عثمانی سے ملاقات
وزیراعظم شہباز شریف کل سعودی عرب روانہ ہوں گے
اسرائیل کو جواب دینے کی تیاری، ایران نے امریکا کو بھی پیغام بھیج دیا
پی سی بی کا گیری کرسٹن اور جیسن گلسپی کو کوچز مقرر کرنے کا…
فواد چوہدری کو اڈیالہ جیل سے رہا کردیا گیا
غزہ جنگ پر امریکی خاتون اول کا مؤقف سامنے آگیا
بسمہ معروف اور غلام فاطمہ کار حادثے میں زخمی
Load/Hide Comments