کرن اشفاق نے بھائی سے گلے ملنے پر تنقید کرنے والی خاتون کو آڑے ہاتھوں لے لیا

پاکستانی ڈرامہ و فلم انڈسٹری کے معروف اداکار عمران اشرف کی سابقہ اہلیہ، ماڈل کرن اشفاق نے بھائی سے گلے ملنے پر تنقید کرنے والی خاتون کو آڑے ہاتھوں لے لیا۔

کرن اشفاق اپنی فیملی کے ساتھ آج کل ملائشیا کے دارالحکومت کوالالمپور میں موجود ہیں۔

اُنہوں نے فوٹو اینڈ ویڈیو شیئرنگ ایپ انسٹاگرام پر کوالالمپور سے اپنی کچھ تصاویر اور ویڈیوز بھی شیئر کی ہیں۔

View this post on Instagram

A post shared by Kiran Ashfaque Hussein Dar (@kiranashfaquehusseindar)

اُنہوں نے اپنی انسٹا اسٹوری پر اپنے بھائی سے ملاقات کی ایک ویڈیو بھی شیئر کی۔

ایک صارف نے کرن اشفاق کی یہ ویڈیو اسٹوری دیکھ کر اُنہیں میسج کرتے ہوئے لکھا کہ’بھائی سے اس طرح گلے کون ملتا ہے؟‘

کرن اشفاق نے صارف کے اس میسج کا اسکرین شاٹ اپنی انسٹا اسٹوری پر شیئر کرتے ہوئے کیپشن میں لکھا کہ’انہیں میرے سگے بڑے بھائی کو گلے لگانے میں بھی مسئلہ ہے، کون ہو تم لوگ بھئی؟

اُنہوں نے صارف پر طنز کرتے ہوئے یہ بھی لکھا کہ ’یہ دوسروں کے بھیا کو سیاں بنانے والے میری تصویروں پر کمنٹس کرتے ہیں۔ حد ہی ہوگئی ہے‘۔

واضح رہے کہ اداکار ماڈل کرن اشفاق کی اداکار عمران اشرف سے 2018ء میں شادی ہوئی تھی اور اِن دونوں کا ایک بیٹا ’روہم‘ بھی ہے جس کی پرورش اب یہ دونوں مل کر کر رہے ہیں۔