نواز شریف، بلاول بھٹو اور ایم کیو ایم نورا کشتی لڑ رہے ہیں:حلیم عادل شیخ

0 تبصرے 110 مناظر

پاکستان تحریک انصاف (پی ٹی آئی) سندھ کے صدر حلیم عادل شیخ نے کہا ہے کہ نواز شریف، بلاول بھٹو اور ایم کیو ایم نورا کشتی لڑ رہے ہیں۔

کراچی کی اینٹی انکروچمنٹ عدالت میں سوسائٹی کی زمین پر قبضے کے کیس کی پیشی کے موقع پر میڈیا سے گفتگو کرتے ہوئے حلیم عادل شیخ نے کہا کہ ایک دوسرے کی مخالفت کرکے عوام کی آنکھوں میں دھول جھونکنے کی کوشش کر رہے ہیں۔

انہوں نے کہا کہ یہ سب ایک ہی تھالی کے چٹے بٹے ہیں، پی ڈی ایم ٹو بنانے کا خواب شرمندہ تعبیر نہیں ہو گا، الیکشن والے دن پاکستان اور کپتان کی خاطر گھر سے نکلنا ہے۔

حلیم عادل شیخ کا کہنا ہے کہ بلاول کل کہہ رہے تھے کہ عوام کا سمندر ہے، ایک دن پہلے یہ شہر گٹروں کا سمندر بنا ہوا تھا، 15 برسوں سے پیپلز پارٹی کی حکومت ہے۔

پی ٹی آئی رہنما نے کہا کہ 35 برسوں سے ایم کیو ایم حکومت کا حصہ ہے، تکلیفیں برداشت کرنے کے بعد بھی جو لوگ پی ٹی آئی کے ساتھ کھڑے ہیں ان کو سلام پیش کرتا ہوں، جنہوں نے جانا تھا چلے گئے، عوام کپتان کے امیدواروں کو کامیاب بنائیں، ایک دن پاکستان کی خاطر ایک دن کپتان کی خاطر سب کو نکلنا ہے۔

مزید پڑھیں

خیبرپختونخوا پولیس کاعید کیلئے آبائی علاقوں میں جانے والوں کیلئے پیغام
دہشت گردوں کی پولیس گاڑی پر فائرنگ، ڈی ایس پی اور ایک اہلکار شہید
گورنر سندھ کامران ٹیسوری کی مفتی تقی عثمانی سے ملاقات
وزیراعظم شہباز شریف کل سعودی عرب روانہ ہوں گے
اسرائیل کو جواب دینے کی تیاری، ایران نے امریکا کو بھی پیغام بھیج دیا
پی سی بی کا گیری کرسٹن اور جیسن گلسپی کو کوچز مقرر کرنے کا…
فواد چوہدری کو اڈیالہ جیل سے رہا کردیا گیا
غزہ جنگ پر امریکی خاتون اول کا مؤقف سامنے آگیا
بسمہ معروف اور غلام فاطمہ کار حادثے میں زخمی
Load/Hide Comments