انتخابات میں ووٹرز کے فیصلے کو خوش اسلوبی سے قبول کرنا چاہیے:ملالہ یوسف زئی

نوبل انعام یافتہ ملالہ یوسف زئی کا کہنا ہے کہ انتخابات میں ووٹرز کے فیصلے کو خوش اسلوبی سے قبول کرنا چاہیے۔

ملالہ یوسف زئی نے سوشل میڈیا ویب سائٹ ایکس پر پاکستان کے عام انتخابات سے متعلق اپنی رائے کا اظہار کیا ہے۔

اُنہوں نے لکھا کہ پاکستان کو ایسے آزادانہ اور منصفانہ انتخابات کی ضرورت ہے جن میں ووٹوں کی گنتی شفافیت کے ساتھ کی جائے اور جو نتائج سامنے آئیں ان کا احترام کیا جائے۔

Pakistan needs free and fair elections, which includes transparency in counting votes and respect for the results. I believe today, as I always have, that we must accept the voters' decision with grace. I hope our elected officials, whether in government or opposition parties,…

— Malala Yousafzai (@Malala) February 9, 2024

ملالہ یوسف زئی نے مزید لکھا کہ میں ہمیشہ کی طرح آج بھی اس بات پر یقین رکھتی ہوں کہ ہمیں انتخابات میں ووٹرز کے فیصلے کو خوش اسلوبی سے قبول کرنا چاہیے۔

اُنہوں نے اپنی پوسٹ کے آخر میں لکھا کہ مجھے امید ہے کہ ہمارے منتخب عہدیداران چاہے وہ حکومت میں ہوں یا اپوزیشن میں، پاکستان کے عوام کے لیےجمہوریت اور خوشحالی کو ترجیح دیں گے۔