سبزی فروش نے ٹماٹروں کی حفاظت کے لیےگارڈز رکھ لئے

بھارت میں ٹماٹروں کی بڑھتی قیمتوں کے پیش نظر سبزی فروش نے ٹماٹروں کی حفاظت کی خاطر گارڈز رکھ لئے، جس کی ویڈیو سوشل میڈیا پر وائرل ہوگئی۔ ویڈیو وائرل ہونے کے بعد سبزی فروش کو گرفتار کرلیا گیا۔

سوشل میڈیا پر وائرل ویڈیو میں دیکھا جاسکتا ہے کہ ایک سبزی فروش 2 گارڈز کے حصار میں ٹماٹروں سے بھری ٹوکری لاکر اپنی دُکان پر رکھتا ہے جبکہ ایک اور وائرل ویڈیو میں سبزی فروش گاہک کے انتظار میں بیٹھا ہے جبکہ گارڈز دکان کے سامنے پہرا دے رہے ہیں۔

In UP's Varanasi, a local Samajwadi Party leader Ajay Fauji, in a viral video, can be seen deploying two bouncers to protect tomatoes at a vegetable shop in what is seen as a protest against skyrocketing prices of tomatoes. pic.twitter.com/ktEeKt76cE

— Piyush Rai (@Benarasiyaa) July 9, 2023

بھارتی میڈیا رپورٹس کے مطابق سوشل میڈیا پر وائرل ہونے والی مذکورہ ویڈیو ریاست یوپی کے علاقے واراناسی کی ہے، جس میں سماج وادی پارٹی کے ایک مقامی لیڈر اجے فوجی کو سبزی فروش اور ٹماٹروں کی حفاظت پر مامور گارڈز کے ساتھ دیکھا جاسکتا ہے۔

میڈیا رپورٹس کے مطابق سوشل میڈیا پر وائرل ویڈیو کا مقصد ٹماٹروں کی بڑھتی ہوئی قیمتوں کے خلاف احتجاج ریکارڈ کروانا تھا۔

تاہم سماج وادی پارٹی کے مقامی رہنما اجے فوجی کے اس اقدام کا خمیازہ سبزی فروش کو بھگتنا پڑا اور واراناسی کی مقامی پولیس نے اسے گرفتار کرکے 3 مقدمات میں اس کا نام درج کرلیا ہے۔

This protest against price of tomatoes organised by Samajwadi Party leader Ajay Fauji in UP's Varanasi has cost the shopkeeper dearly. He has been arrested by police. An FIR under section 153A, 295 and 505(2) was registered against 3 named accused. Fauji is absconding. pic.twitter.com/R9zcRAIk46

— Piyush Rai (@Benarasiyaa) July 10, 2023

میڈیا رپورٹس کے مطابق سبزی فروش کو دفعہ 153A، 295 اور 505(2) کے تحت ایف آئی آر درج کرکے گرفتار کرلیا گیا ہے جبکہ اجے فوجی تاحال فرار ہے