وہ جڑواں بچے، جو الگ الگ سالوں میں پیدا ہوئے

واشنگٹن: کیا کبھی آپ نے سنا ہے کہ جڑواں بچے دو الگ الگ سال میں پیدا ہوئے ہوں؟ ایسا منفرد واقعہ حال ہی میں امریکی ریاست کیلیفورنیا میں ہوا جب جڑواں بچوں کی پیدائش الگ الگ سال میں ہوئی۔

امریکی میڈیا کے مطابق کیلیفورنیا میں ایک خاتون کے ہاں 31 دسمبر 2021 کی رات 11 بج کر 45 منٹ پرایک بچے کی پیدائش ہوئی، جس کا جڑواں ٹھیک 12 بجے یعنی یکم جنوری 2022 کو دنیا میں آیا۔

اسپتال انتظامیہ نے سوشل میڈیا پریہ خبرشیئر کرتے ہوئے بتایا کہ جڑواں بچوں میں ایک لڑکا اورایک لڑکی ہے۔ جڑواں بچے 15 منٹ کے وقفے سے دنیا میں آئے اس لیے دونوں کی پیدائش کا سال مختلف ہوگیا۔ دونوں بچے اور ان کی والدہ صحت مند ہیں۔
جڑواں بچوں کی والدہ نے بچوں کی پیدائش کا سال مختلف ہونے کو دلچسپ اتفاق قرار دیا ہے۔

اپنا تبصرہ بھیجیں