نئے غلافِ خانہ کعبہ کومسجد الحرام تک منتقل کرنے کی تیاری مکمل

نئے غلافِ خانہ کعبہ کو تبدیل کرنے کے لیے اسے مسجد الحرام تک ٹرکوں کے ذریعے منتقل کرنے کی تیاری مکمل کرلی گئی ہے۔

عرب میڈیا کے مطابق غلافِ کعبہ کی نقل و حمل کے لیے ٹرکوں کا انتظام کیا گیا ہے جن پر غلاف کو حفاظتی اقدامات کے ساتھ رکھا جائے گا۔

اس حوالے سے عرب میڈیا کا کہنا ہے کہ غلاف کے مختلف حصوں کو ٹرکوں پر رکھنے کے بعد انہیں مسجد الحرام لے جایا جائے گا۔

عرب میڈیا کے مطابق اس حوالے سے ٹرکوں کی تیاری اور حفاظتی اقدامات کی تصدیق بھی کردی گئی ہے۔

تجهيز شاحنات نقل كسوة الكعبة المشرفة من مجمع الملك عبدالعزيز لكسوة الكعبة المشرّفة إلى المسجد الحرام

https://t.co/rlGPaCJbEK#رئاسة_شؤون_الحرمين pic.twitter.com/8JTXOV9e6T

— رئاسة شؤون الحرمين (@ReasahAlharmain) July 17, 2023

واضح رہے کہ خانہ کعبہ کے غلاف کو یکم محرم الحرام کو تبدیل کیا جائے گا۔

عرب میڈیا کے مطابق اس حوالے سے تیاریاں کر لی گئی ہیں اور 15 افراد کو خصوصی تربیت فراہم کی گئی ہے۔

اس حوالے سے کسوہ فیکٹری کی انتظامیہ نے بتایا ہے کہ غلافِ کعبہ پر لکھی قرآنی آیات کو سونے اور چاندی کے دھاگوں سے بُنا گیا ہے۔

کسوہ فیکٹری کی انتظامیہ کے مطابق غلافِ کعبہ کی تیاری کے لیے 120 کلو گرام سونا، 100 کلو گرام چاندی اور 670 کلو ریشم استعمال کیا گیا ہے۔